London Arsenalı Aleksandr Zinçenko ilə bağlı qərarını qətiləşdirib.

AzxeberSport fanat.az-a istinadən xəbər verir ki, bu barədə məlumatı "90min" yayıb. 

Xəbərə görə, "topçular" 26 yaşlı ukraynalı ilə müqavilə yeniləməkdə maraqlıdır. Mənbə hazırda tərəflərin danışıq apardığını və razılaşmaq üzrə olduqlarını vurğulayıb. 

Zinçenko "Mançester Siti"dən "Arsenal"a 2022-ci ilin iyulunda  keçib. Onun London klubu ilə indiki müqaviləsi 2026-cı ilə qədər nəzərdə tutulub. 

Xatırladaq ki, dünən "Arsenal" İngiltərə Premyer Liqasının 5-ci turu çərçivəsində "Everton"un qonağı olub və 1:0 hesablı qələbə qazanıb. Qarşılaşmadakı yeganə qol 69-cu dəqiqədə vurulub. Bukayo Sakanın ötürməsindən sonra belçikalı hücumçu Leandro Trossard vurub.