"Barselona"nın baş məşqçisi Xavi La Liqanın 5-ci turunda "Betis" üzərində qazandıqları 5:0 hesablı qələbəni şərh edib. 

AzxeberSport fanat.az-a istinadən xəbər verir ki, "Marca" 43 yaşlı mütəxəssisin sözlərini belə çatdırıb:

"Oyunumuz ideal olmasa da, əla alındı. Futbolçuların böyük həvəslə oynamasından məmnunam. Sanki "Camp Nou"daydıq. Çox sayda qol imkanları yaratdıq. Belə də olmalıdır.

Yamaldan başqa, hücumçularımızdan dördü qol vurdu. Bu, idealdır. Həm də cərimə zərbəsindən qol. Beş qol vurduq, buraxmadıq. Rəqibin çox təhlükəli bir epizodu oldu, amma ümumi baxsaq, keyfiyyətli oyun keçirdik.

Pressinq üzərində işləyirdik və bilirdik ki, rəqib çox geniş oynayacaq. İlk qol çox vacib idi, Kanselu topu əla qazandı. Rəqiblərimizə bu qədər şans yaratmağa imkan verməməliyik. "Betis" hesabı aça bilərdi. Belə davam etməliyik. Bu gün görmək istədiyimiz "Barselona"ya bir qədər yaxın idik”.