"Barselona"nın baş məşqçisi Xavi Çempionlar Liqasının qrup mərhələsinin 1-ci turunda "Antverpen"lə oyunla bağlı gözləntilərini bölüşüb.

AzxeberSport fanat.az-a istinadən xəbər verir ki, "The Athletic" onun dediklərini belə çatdırıb:

“İndi Avropa irəli addım atmağın və özümüzə inanmağın vaxtıdır. Biz Avropada yenidən gücümüzü göstərmək istəyirik. İndi bunun üçün mükəmməl ritmimiz var.

Oyunçular çox motivasiyalıdırlar, amma biz bununla kifayətlənməməliyik. Bizə sadəcə, “Betis”ə qarşı oyunumuzu (5:0) təkrarlamaq lazımdır. Bu bir prosesdir, davam etdiyi müddətdə dayanmamaq lazımdır. 

Kluba gələndə məndə belə bir hiss var idi ki, bizdə rəqabət üçün kifayət qədər keyfiyyət yoxdur. Keçən mövsüm keyfiyyətli idik, rəqabət apardıq, amma nəticə əldə etmədik. İndi daha artığına nail olmağın vaxtıdır”.