Sevgilisi ilə karantində olan Argentina millisinin və PSJ-nin sabiq hücumçusu Ezekiel Lavezzi kiber təhlükə yaşayıb. 

AzxeberSport xəbər verir ki, 35 yaşlı ulduz karantini, braziliyalı sevgilisi Nataliya Borqes ilə birlikdə Karib dənizi sahillərində keçiriərkən hakerlərin kiber hücumuna məruz qalıb. Ulduz futbolçunun sevgilisi Borqes Argentina telekanallarının birinə müsahibəsində bildirib:

 "İnstaqramdan bizə müraciət etdilər. İki fərqli hesabdan yazdılar ki, əlimizdə seks  videoları və fotoşəkillər var. Hər foto və video üçün 400 dollar istədilər. Əvvəlcə inanmadıq. Sonra bir -iki  şəkil göndərdilər inana bilmirdik.  Dediklərimizi ödəməsək sosial mediada yayımlayacaqlarını dedilər. Çox qorxuruq. Lavezzinin vəkilləri kiber cinayətlə bağlı Argentina polisinə müraciət elədilər."

Qeyd edək ki, Lavezzi, 2016-cı ildə Çinə getmədən əvvəl PSJ ilə dörd Liqa 1 titulu qazanmışdı.