"Azərreyl"in Çelenc Kubokunun 1/16 final mərhələsində hər iki oyununun Bakıda keçirilməsi üçün ilkin razılıq əldə olunub.

AzxeberSport xəbər verir ki, bu barədə Report-a paytaxt təmsilçisinin meneceri Zaur Namazov məlumat verib.

O, hazırda danışıqların davam etdiyini və məsələnin sabah günün sonuna qədər tam dəqiqləşəcəyini diqqətə çatdırıb.

Qeyd edək ki, "Azərreyl" 1/16 finalda İspaniyanın "Avarka de Menorka" klubu ilə üz-üzə gələcək. "Dəmiryolçular" əvvəlki raundda Ukraynanın "Balta" komandasını mübarizədən kənarlaşdırıblar.