Xəbər verdiyimiz kimi, Azərbaycan millisinin baş məşqçisi Canni De Byazi AVRO-2024-ün seçmə mərhələsində Belçika və yoldaşlıq görüşündə İordaniya yığması ilə oyunları üçün seçimlərini edib.

AzxeberSport xəbər verir ki, italyan məşqçinin seçimi sosial şəbəkələrdə birmənalı qarşılanmayıb. 

Məsələn, “Neftçi”də ehtiyatda qalan, bu mövsüm 9 oyunda cəmi 20 dəqiqə şans qazanmış Höccət Haqverdiyə dəvət göndərilib. De Byazinin bu seçimi kəskin şəkildə tənqid edilib. İtalyan məşqçinin hansı səbəbdən bu addımı atdığı maraq doğurur. 

Oxşar vəziyyət Bəxtiyar Həsənalızadə ilə bağlı da mövcuddur. Mərkəz müdafiəçisi bu yay keçdiyi Türkiyə “Tuzlaspor”unda, demək olar ki, meydana çıxmayıb.