2022/23 mövsümündə Azərbaycan Premyer Liqası və Kubokunda 90 dəfə Video Köməkçi Hakimə (VAR) müraciət olunub.

AzxeberSport xəbər verir ki, bunu AFFA Hakimlər Komitəsinin sədri Barış Şimşək idman jurnalistləri üçün təşkil olunan seminarda açıqlayıb.

Onun sözlərinə görə, bunlardan 66-da baş hakim özü epizoda baxıb, 24-də isə VAR-dan müdaxilə olunub.

Şimşək ədalət təmsilçilərinin 16 dəfə VAR-da səhv qərar qəbul etdiklərini və 19 dəfə lazım olduğu halda VAR-a getmədiklərini də diqqətə çatdırıb.